歌仔寶玉講唱節目冊

王后啊王后，王后啊王后。
世間上媠的少年着是你，
你是上媠的　上媠的　美少年。

寶玉我來的時陣（演員：幼稚的問題。）
寶釵仔睨大着目　講，
講我　歸日講我只塊玉，
伊究竟　毋捌詳細來鑑賞，今日定欲來看覓。
愛我趕緊對我身軀頂抽落來呀互伊看，交互伊呀來看。

這是一個自我的中心，
看起來，自我中心表面濛霧、柔順，
在一種飛在半空中的速度當中，
伊會當混合成共一款質地。（開始照做）
看起來：正手高，倒手凹，正跤踢，
倒爿跤頭趺蹲落，自頭到尾，做什乜，你都看攏無，
甚至伊的面上表情。

寶玉來到一處，一處便漠然無聲。（演員配合做口技或音效）
對乳母房間出去，往西走過穿堂，
來到鳳姐的厝院，寶玉看着院門半掩。
想着鳳姐熱天的規矩，
閑來無事睏中晝，等待二叔返因家。
寶玉來到阿嬸睏房，入了門跤口，
遇見幾個查某嫻仔，手捻針黹盹瞌睡。
阿嬸有涼蓆香被，小仔金釧眉眼攲斜黑白捶腿。
亦不知是起愛睏　抑是翕燒熱，
我着輕輕行到你面頭前，
將你耳仔肉頂的在叢紅挽落來，
你目睭金金看着是我，我着微微笑，講：甘擱欲來睏？

我佮二嬸講，娶你入門，咱一處鬥陣呴！

待二嬸睏飽，我着來講。

管待他們，咱，研究咱的。

正是本人我小名。

無功受祿，何以擔當？
小弟心中躊躇是難免，大哥珍寶在這個手中，這是該當何報，何報該當。了哈？

亦罷亦罷，我遮亦收得了一件的奇物，今早才結起來，
新新是正正，香香擱密密。

聊表我一點嗎相好的之意。（給）

來來來這條來汗巾仔，是彼寡茜香國女國王朝貢的之物，夏天結咧

皮膚是清香，無彼寡臭汗酸。昨仔日北靜王來所賜，今日即遮來隨身。

那是別人的部分，小生我是絕對不甘來相贊。大二爺，不如就勞煩你，亦將家己結的彼條，來是透啊落來，互我亦來結於腰身。咱今日，就來交兄弟情誼來換汗巾仔，大二爺小玉哥公子兄台是意下如何？

婚配的問題。

但是看起來，瘋空瘋空。
敢講，這亦是一款跤步手路？
因為失去了命根美玉　煞來起瘋的我，
是該驚惶　抑是悲傷呢？
失去了命根美玉，使得我驚惶　抑是悲傷呢？
我的跤步手路可有對象？
事實上，我本不驚惶　亦並不悲傷。

冬月竟有海棠開？
我看一眼、賞一支、嘆一聲、愛一愛。
心中無數悲喜離合，全弄到只叢　心花開。
忽然聽見　娘親欲來，
連忙更換箭袖外掛，匆匆換穿之時，未掛通靈寶玉。
襲人問我囥在何處？　炕床桌頂　我答應：
桌頂　無看着玉仔。
四處揣，處處尋，皆無蹤影。
我對襲人姊姊講着：

免着急，一定在房裡，問他們着知。
我會記咧明明囥在炕床桌頂，恁不着作伙來揣啊。

「阿嬸啊，在厝裡是寶，去了外口，不知影的人是作廢物。偷伊做啥？我想來，必定是有人缺德來創治。」

妙玉今邁冷笑幾聲，說道：

為什乜又欲佮我結親家？
結了親家，敢着不會瘋空？
瘋的都是因為玉仔，結親了後，玉亦是玉，親亦是親，互不相干，有何助益？
結親互母親佮阿媽歡喜，歡喜了　我便沖得了喜，
只亦是講不通的事情。
何況，擱用林妹妹騙我結薛妹妹親，
林妹妹血吐歸地，氣死了伊。
現如今　亦不准我上香，亦無愛互我祈禱。
我娶的　是什乜親，我結的　是什乜喜。
偷來暗去、掩掩揜揜，不瘋空亦不用得，
我家己的卵玉仔丟失，恁雖然比我卡着急，
但亦是同款害着我，去順了誰人的意，
結親情，講到底全是虛，目睭闔起，家己夢中家己見。家己夢中家己見。家己　夢中家己見

我只見家己猶原倒在床頂，
又見案上紅燈，窗前明月，
依然一幅錦繡林中的繁華大千。
我定神想來，丟失的是寶玉，但眾人煞為我操煩，
驚我哀傷，為我娶妻，黛玉即因我而死。
只確實是一場虛夢。
不覺已是全身冷汗，但心頭清爽。
尋思之間，彼葩寶玉顛倒逍遙自在，
真正是無可奈何，我只能嘆氣幾聲。
我亦只能，哎！

譬如講，在亦未過身進前，伊老去。伊必定先老去，即往生去。敢真正是按呢？敢講有人免老着會當過身？出於慈悲之故？遠離痛苦，伊會當不必遭受時間來凌遲，在彼個時間慢慢的過程中，光線在眼前，愈來愈遠，一開始有聲音，聽得着聲音，有人聲嗓，迷迷濛濛講話，然後漸漸變小，亦有殘聲，好親像在一個磅空，坐在一台倒退嚕的車頂，向恁顛倒的方向而去。

我同賈蘭作伙，欲來赴京考舉，故事冊講我最後中了舉人第七，出門當作了臨別，共娘親女眷說道：

寶釵不准我囉唆，伊催我緊走，
着親像是過了門的夫人對夫君厭。
我見眾人都在咧，煞不見惜春佮紫鵑，我便說道：

大家都講我從未離開家門。

外面亦有人咧等，那無，着誤了時辰。

我講─

行了行了

莫胡鬧了。

完了事了。

母親佮丈母　生離死別一般，彼目屎　亦不知對佗來。

寶玉我嘻天哈地，空空瘋瘋，便從此出門而去。

你總是無法度知影死。你的知影，最起碼是無，無法度。
忽然間，無着無囉。
什乜時陣開始你永遠不知影。一開始，抑是無一開始根本不是問題，什乜時間會死亦不是問題，事實上來講，無一個相約的時間。免煩惱，到底什乜造成的。
事實你不知影。你總是過了後即知影，然後後悔枉然傷心。